|
::
الحلقة
29:
أيوه اقدر
رد "مرعي":
-
"أسمع طبعا إنه برنامج مشهور لأستاذ عمرو.."
-
"وأسمع إن فيه جمعيات خيرية كتيرة مشهرة تحت
الإسم ده.."
-
"لكن ما أعرفش أكتر من كده.."
تابع "فنكش" كلامه:
-
"تخيل إن فيه آلاف من الشباب بيتكلموا
وبيشتغلوا في حاجة إسمها مشروع النهضة؟"
-
"اللي ممكن تسميه مشروع صناع الحياة"
جاء الشاي بالنعناع, فشكر "فنكش" أخته مبتسما
ولثم يدها ثم عاد إلى الكتابة:
-
"والأهم بقى.. بيتكلموا عن النهضة دي أو
التنمية دي تحت إسم.."
-
"التنمية بالإيمان.."
ارتشف من المشروب الساخن بتلذذ واستكمل
الكتابة بحماس:
-
"أنا نزلت كذا حلقة من برنامج صناع الحياة..
وسمعتهم"
-
"ودخلت على المنتدى قرأت مشاركات كتير..
وشاركت كمان.. واتكلمت مع واحد من الناس دي"
-
"وشفت قد إيه هم فعلا عايزين يحولوا الدين
لطاقة.. والطاقة دي يحولوها لشئ ينفع المجتمع"
تعالى صوت شقيقة "فنكش" من غرفتها تذكره بوعده
الخاص بالمقرمشات, ورد عليها هو الآخر بصوت
عالي: "ومن إمتى وأنا بقولك كلام ومش
بنفذه؟".. ويداه تعملان بسرعة على لوحة
المفاتيح:
-
"تصور إن كتير من الشباب دول بيعلموا شباب
مثلهم لغات وكمبيوتر ببلاش علشان يحسنوا
مهارات الطلبة والخريجين.."
-
"تصور إن فيه ناس منهم بدأت مشروعات صغيرة
لعمل منتجات تفيد الناس وتفيد البلد.."
-
"فيه واحد منهم مثلا بدأ مشروع لإنتاج
الدباديب بدل ما إحنا بنستوردها من بره زي كل
شئ.."
-
"فيه ناس عملت مركز بيعطوا فيه كورسات إسمها
تنمية بشرية.. تخلي الواحد يعرف أكتر عن
إمكانياته وينميها.."
-
"وفيه مجموعات بتحارب المخدرات.. ومجموعات
تانية بتعمل توعية صحية.."
-
"شباب كتير قوي يا مرعي بيشتغلوا شغل حلو
قوي.. وبيعملوا حاجات جميلة قوي.."
كان "مرعي" صامتا أمام جهازه ويقرأ بإنتباه
شديد:
-
"همم.."
-
"كمل كلامك.."
شعر "فنكش" أن رسالته لم تصل بعد إلى "مرعي",
فاعتدل في مجلسه وحرك أصابعه قليلا وهو يفكر
قبل أن يتابع الكتابة:
-
"مش إحنا كنا بنتكلم, إيه اللي في إيدينا
نعمله؟"
أرسل له "مرعي":
-
"أيوه!"
تابع "شادي":
-
"بالظبط"
-
"في إيدينا إن إحنا نشارك في نهضة مجتمعنا مع
الناس دي يا مرعي.."
-
"نشوفهم بيعملوا إيه ونشتغل معاهم.."
-
"نشوف نفسنا ننفع في إيه ونبدأ.."
-
"نشوف أ.عمرو بيتكلم في إيه ونسمع ليه يا أخي,
ده أبسط شيئ.."
كتب "فنكش" هذه السطور, ثم انتقل إلى صفحة
المنتدى على موقع "عمرو خالد", ليرى هل قام
ذلك الشاب بالرد عليه مجددا.
في نفس اللحظة كان "مرعي" يتأمل المكتوب أمامه
على الماسينجر, وامتدت أصابعه في تردد لتكتب:
-
"بس أنا عندي تحفظات على أ.عمرو خالد.."
في اللحظة التالية كان "فنكش" يقرأ الرد من
الشاب الذي أطلق على نفسه في المنتدى الإسم
الرمزي
Nick Name,
"أيوه اقدر", قال "أيوه اقدر" في رده:
-
"اتشرفت بمعرفتك جدا يا شادي, اسمي سامح كرم,
بأدرس في كلية الهندسة.."
ارتفعت أصوات "ماسينجر" من سماعات كمبيوتر
"فنكش", فترك المنتدى للحظة وعينيه تتجهان لرد
"مرعي", حك رأسه وشرب من الشاي وكتب:
-
"تحفظات؟؟"
وكأن "مرعي" قد جهز إجابته بالفعل, فقد ظهر
الجواب على الشاشة مرة واحدة:
-
"أيوه يا فنكش.. الراجل مش شيخ ومش متخصص في
الدين, وليه أخطاء كتير جدا في حلقاته.."
كتب فنكش بسرعة:
-
"في كل الأحوال أنا باكلمك عن عمل إجتماعي
ونهضوي, بعيدا عن الفقه والفتوى والسيرة.."
تجاهل مرعي كلمات "فنكش" واستمر في الكتابة:
-
"تخيل إنه بيصف الرسول صلى الله عليه وسلم
بالفشل.."
-
"وإنه فشل في إحدى الغزوات؟؟"
لم يرد "فنكش" والذي أخذ يفكر في الكلمات
المتراصة أمامه, والتي أضاف إليها "مرعي" سطرا
جديدا:
-
"خد يا سيدي اللينك ده وانت تتأكد بنفسك.."
-
"اسمع واتفرج على اليوتيوب.."
لم يكن أمام "فنكش" إلى أن يستقبل الرابط من
"مرعي", ومدفوعا بفضول عارم ينتقل لموقع
"يوتيوب" ليشاهد ما يتكلم عنه الأخير..
ترك اليوتيوب يقوم بتحميل مقطع الفيديو,
وانتقل مرة ثانية إلى المنتدى ليستكمل قراءة
رد "أيوه اقدر" أو "سامح كرم":
-
"وبالمناسبة, أنا قبطي.."
(يتبع )
|
