|
::
الحلقة
26:
المفروض أعمل إيه؟
التمس "فنكش" من حديث "مرعي" أن الأخير له
رغبة كبيرة في أن يسافر مع "سيف الإسلام"
للتدريب على الجهاد.. وأنه يتمنى أن يقابل
أعداء الإسلام وأن يحارب في سبيل الله.. وأنه
يتمنى الشهادة من أعمق أعماق قلبة حقيقة..
كان انتهيا من وجبة الكشري الحريفة.. وانتقلا
إلى الحلو.. أرز باللبن..
أكل ملعقة من الطبق الأبيض المستدير.. قبل أن
يقول:
-
"تعرف يا مرعي؟؟"
-
"أول مرة أعرف النهاردة إن الرسول عليه الصلاة
والسلام قعد 13 سنة في مكة بعد ما بعثه الله
وقبل ما يهاجر المدينة.. وقبل غزوة بدر وغزوة
أحد والحاجات دي.."
-
"13 سنة بحالهم بيدعو الناس.. ويبقوي مجتمع
الصحابة.."
-
"13 سنة من غير ما يرفع سلاح في وجه أهل مكه
اللي عذبوه, وعذبوا أصحابه.. وحاصروهم وجوعوهم
وأهانوهم آخر إهانة.."
أكل معلقة أخرى وتلذذ بالطعم لثانية قبل أن
يستكمل:
-
"وبعد ما الأمور استقرت في المدينة المنورة..
بدأ الرسول يستخدم سلاح القوة"
قاطعه "مرعي":
-
"أيوه, وهو ده اللي بتعمله سيف الإسلام"
-
"هم مستقرين في أفغانستان, وعندهم تنظيم ما
يخرش المية.. وانتصاراتهم على الأمريكان لا
تعد"
قال "فنكش":
-
"أولا سيف الإسلام أو أي جماعة من الجماعات ما
ينفعش نقارن قيادتها بقيادة الرسول صلى الله
عليه وسلم"
-
"أيام المسلمين الأولى كان الرسول هو
القائد.."
-
"وحاليا إنت راجل مصري.. عايش في مصر.. قائدك
مش سيف الإسلام.."
-
"ولو سيبنا الموضوع على الغارب.. هنلاقي خمسين
ألف قائد.. تقدر تقولي نمشي ورا مين بالظبط؟؟"
-
"كل واحد يمشي ورا اللي يعجبه.. ولا نتوحد
كلنا حوالين قائد واحد؟؟؟"
هم "مرعي" أن يقاطعه مرة أخرى, لكن "فنكش"
أشار إليه أن: "اصبر لحظة واحدة" مكملا:
-
"زائد.. انت تسيب مجتمعك محتاج واحد متفوق
زيك.. واحد ليه مستقبل كبير زيك.. وتروح تموت
في أفغانستان"
-
"ياريت يا سيدي موتك هايفرق هناك.. لكن إنت
هناك نملة بتحارب فيل"
لم يستطيع "مرعي" أن يسكت:
-
"كم من فئة قليلة غلبت فئة كثيرة بإذن الله"
رد "فنكش":
-
"طيب والأخذ بالأسباب؟؟؟"
صمت "مرعي" لثانية, فاستغل "فنكش" الفرصة
واستكمل حديثه:
-
"ده مش وقت حرب.."
-
"على الأقل نجهز الأول للعملاق اللي قدامنا
قبل ما نواجهه"
-
"العملاق ده متفوق اقتصاديا, علميا, ثقافيا,
حضاريا.."
-
"وإحنا؟؟؟"
وقلب كفيه علامة: "انت شايف حالنا", ثم
استطرد:
-
"رأيي الشخصي, إن كل واحد فينا يصلح نفسه كويس
جدا.."
-
"وبالتالي المجتمع يتصلح.."
-
"وبالتالي نقدر نواجه أي مشكلة في الدنيا
بقوة.."
انتبه "مرعي" أنه انشغل تماما عن الأرز
باللبن, لذلك فقد وضع ملعقة في فمه, ومضغ قبل
أن يقول:
-
"كويس.."
وفكر قليلا قبل أن يقول:
-
"أنا راجل متفوق صحيح.. بتخرج كل سنة
بإمتياز.. هاخلص كلية التجارة إن شاء الله..
وأخرج للسوق.. ويا عالم هلاقي شغل ولا لأ..
هاشتغل في شركة.. هابقى زيي زي غيري.. ترس في
مؤسسة كبيرة.. هاتجوز و أخلف.. وأعيش وأموت زي
ما كل الناس بتموت.."
ونظر لـ "فنكش" قائلا:
-
"إيه بقى اللي عملته للمجتمع يا شادي؟؟"
-
"وانت عارف إن ظروف الحياة طاحنة ومش هاتديك
فرصة تصلح المجتمع زي ما انت بتقول.."
وأعاد السؤال:
-
"إيه بقى اللي هاقدر أعمله؟؟"
تنهد "شادي", وهو يسأل نفسه نفس السؤال:
-
"إيه اللي المفروض أعمله؟؟"
في المساء جلس "فنكش" في غرفته أمام جهاز
الكمبيوتر يفكر..
كان "وليد" قد قام بالإتصال بـ"مرعي" في نهاية
جلستهما ليطمئن على سير الأمور, وأخبره "مرعي"
أن كل شئ على ما يرام وأنه سيكون بالسكن خلال
دقائق.. ثم استأذن "فنكش" وطلب منه أن يكملا
حوارهما في وقت آخر قريب..
-
"المفروض أعمل إيه؟؟"
-
"أعمل إيه؟؟"
-
"أعمل إيه؟؟"
(يتبع )
|
